Kinakasal na Tikbalang

Nung isang araw, sinamahan ako nang kaklase ko sa mall.Bibili sana ako ng Bag, pero hindi bag ang nabili ko.

Sa daan pa lang nagbabanta na ang panahon na hindi siya ok. Medyo alanganin nga eh, di mo alam kung uulan ba o sadyang maulap lang.

Pero wrong timing eh, inabot kami ng nagsisimula pa lang na ulan.Napatakbo tuloy kami.Wala lang nakisabay na rin sa mga tumatakbo parang mga gremlins na takot na dumami.Yung iba nilabas na ang makukulay na payong pabonggahan ang labanan.

Pagsakay namin, medyo umuulan pa rin.Nasa harapan kami ng jeep umupo.Kasabay ng ulan biglang umaraw.Blending kumbaga, umaaraw na umuulan pa.Astig.

Biglang naalala ko nung bata pa ko ang paniwala ko nun.Pag umuulan na umaaraw, may kinakasal na tikbalang.Syempre hindi totoo yun dala yun nang kabobohan ko nun at kababawan.

Sabi nung kaklase ko may kinakasal daw na palaka, yun yung version naman ng kabobohan nya.

Nung nasa Grade 5 ako nareveal na at nasagot ang katanungan kung bakit may ganung datingan ang panahon.Pero sa tagal na nun, ngayon nalimutan ko na ang sagot , tanong nyu na lang sa PAGASA.Pero isa lang ang sure ko, may pasok pa rin pag ganun(Siguradong badtrip yung mga tamad).

*** 

TIP: Kung gusto mong di mapansin ang pagiyak mo, mainam na magpaulan ka sa labas.Tiyak na mailalabas mo ang sama ng loob mo ng walang nakakaalam.

*Siguraduhin lang na may dala kang sabon, at shampoo.Sabay mo na rin pagligo mo