UltraElectroMagnetic Blah Blah’

Illustration: Taga-Ilog  <www.kzone.com.ph>

Naranasan nyo na bang tumakbo at magmadaling umuwi galing School? Naranasan nyo na bang maghintay sa ibat ibang timeslot? At mabadtrip pag malabo ang sagap ng t.v nyo dahil sa bulok ninyong antenna?

Ako, oo. Nung bata pa ko ganyan ako. Yun yung panahon na sinakop ng anime ang telebisyon, may anime sa umaga , hapon, gabi at minsan pati  panaginip mo animated na rin. Iba ang hatak ng anime sa mga batang tulad ko noon. Pero ngayon hindi ko alam kung panget na hindi na gaanong hook ang mga batang 7 - hanggang  30 edad sa anime. Kaunti na lang sila, mas malaki na ang panahon nila sa paghaharvest ng tanim sa farmville, paglalaro ng DOTA ,pagaapdeyt ng status nila sa peysbuk at pagtawa ng “jejejeje” sa cellphone. 

Anime… isang balbal na na pananalita sa wikang hapon na ibig sabihin ay “animasyon“. Mga gumagalaw na drawing. Eksklusibo lang ang anime sa Japan, sa madaling salita hindi lahat ng animasyon ay anime at ang anime ay uri lamang ng animasyon. Gets?

Iba ang anime ng Hapon sa ibang bansa. Madaling malaman ang pagkakaiba, itsura pa lang alam mo na kung ang pinapanuod mo ay hentai o ang lakwasterang si Dora. Unique talaga ang anime, ito ang ilan sa mga palatandaan na anime ang pinapanood mo at hindi balita ni Mel Tiangco:

- Malalaki ang mga mata at uhmmm….. boobs ng mga babae

     Sabi ng kaibigan ko kaya daw ganoon kasi isa sa wish list ng mga haponesa ang lumaki ang mata at lumaki ang hinaharap , kaya ang frustration ng mga lalakeng hapon sa kanilang mga asawa ay binuhos nila sa pagdodrawing. At doon nabuo ng hentai na isang uri naman ng anime. 

- Lahat ng atakeng gagawin ay isisigaw muna para magkabisa

     Voltes V: Ultra Electro Magnetic Top! 

     San Goku:  Kame hame wave!!!!

     Recca: Sayah!

     Pikachu: PikaaaaacCHuuuu!!!!

     Dora: VERRYY GOOD! 

     Bukod sa huling karakter, sumisigaw ang mga bida o kalaban man kung aatake sila para lang magkabisa ang kapangyarihan nila.  Nakalagay kasi yun sa kontrata nila na dapat may pagsigaw na mangyayari. Kaya mas naaalala natin ang sinisigaw nila kesa sa pagkatao nila. Moja!

- Hindi natin maintindihan ang pinagsasabi nila, unless may sinipag na maglagay ng subtitle at magdubbed sa kanila 

     Hindi katulad ng koreanobela na hindi nagsi-synch  ang sinasabi sa buka ng bibig, sa anime hindi natin napapansin yun . Mas focus tayo sa action nila kesa sa sasabihin nila. Kaya laking pasalamat natin kung dinubbed na yun sa salitang pinoy kasi mas ramdam natin ang pagkapinoy nila sa sinsabi nila katulad nito … SAKURAGI: ungas ka , Gori! asar ka!… Minsan nga lang nasosobrahan sila… DAMULAG: Hoy huwag nga kayong magtapon ng basura! dinudumihan nyo lang ang Pilipinas! , ito pa… SUNEYO: tamang tama ipapalabas to mamayang gabi sa SAKSI! 

- Karaniwang hindi sila nagpapalit ng damit maliban na lang pag season 2 na!

     Siguro, para madaling maalala natin  kung sino ang karakter sa pamamagitan ng damit, kaya hindi sila nagpapalit ng damit maliban na lang kung kinakailangan . Halimbawa: iba ang panahon( winter, spring, summer fall o solar eclipse), o kaya nabasa ang damit ng bida dahil nahulog siya kung saan mang anyong tubig tulad ng  sapa , dagat, ilog o kanal, change costume para masabing mas malakas na siya ngayon kesa noon at kung sila’y nagdidisguise. Isang tanong lang ang bumabagabag sa kin ” Bakit hindi nasusunog ang pantalon ni San Goku pag nagsusuper sayan s’ya saan kaya gawa yon bakit damit lang?” pakisagot. ehem.

- At mga bagay na magpapakita ng kultura ng JAPAN

     Dyan ako bilib sa Japan, pinakikita nila ang pagmamahal nila sa bayan nila sa pagpapakita ng kultura nila sa anime. Ilan sa mga bagay ay ang Tokyo Tower na paboritong settings, Mt. Fuji, train, cherry blossom tree na magandang confetti at effect sa eksena, mga templo, mga halimaw at multo na based in japan katulad ng  kappa, yuki onna, ogre o kung tawagin nila ay bakemono na counterpart naman nun sa atin ay tikbalang, multo at pulitiko. 

Marami akong namimiss na anime na hindi ko na makita sa t.v ngayon. Katulad ng  Mojacko, Hell teacher Nubi, Sorcerer Hunter, Monster Rancher, Evangelion, Zenki, Gundam Wing, Ghost Fighter, Flame of Recca, Kurochan, Shin Chan, BTX, Saber Marionette, UFO Baby, Blue Blink, Eto Ranger,(Ano nga ba yung title nung takure na ginagamit para makapaglakbay sa iba’t ibang panahon?) Teka Anime rin ba yung Mga Munting pangarap ni Romeo, Remi , Julio at Julia , Tom Sawyer, Secret Garden, Mahiwagang Kwintas, Alice in the Wonderland at Cedie na kaibigan ni Sara na kaaway ni Lavinia?  

Anime… Naging parte ng telebisyon , naging parte ng kabataan ko. Anumang panahon ,dumating man ang mga bagong palabas, tumawa man si Spongebob ng malakas, Magsalita man si Dora sa salitang Espanyol , wala pa ring tatalo kay San Goku at sa kanyang pantalon. Ayt!

<Voltes V Ending Theme>

 私達の会合まで再び別れを告げる！